CHEGOU O ENTROIDO!!!

Ola, amiguiños.
Como podedes ver xa chegou o Entroido ao noso colexio. 





Os rapaces de cuarto e sexto elaboraron o mural que podedes atopar na entrada da biblioteca e que dá a benvida a estas divertidas festas.

Este ano o tema é o MEDIO AMBIENTE e A RECICLAXE. 

Por iso, as consignas para toda a semana están relacionadas con el. 

Estou abraiado coas marabillas que todo o colexio está a traer. 

VISITA DA ESCRITORA MÓNICA RODRÍGUEZ 



O pasado mércores a escritora Mónica Rodríguez estivo na nosa biblioteca para falar dun dos seus libros.
Aínda que naceu en Oviedo, actualmente vive en Madrid.
Como ela mesma contou, despois de traballar durante anos nun centro de investigación, no ano 2009 decidiu pedir unha excedencia e adicarse por completo á súa grande paixón: ESCRIBIR
Xa ten publicados máis de 30 libros e recibido numerosos premios.







O libro que do que falou foi 

que trata do valor que cada un de nós lle dá ás cousas e como iso se reflicte na nosa personalidade durante toda a vida.
Esta dirixido a nenos de entre 7 e 8 anos. 
Se aínda non sabedes que ler, por que non probades con este?

CHEGOU O NADAL!!

Ola, amiguiños!!

Xa chegou o Nadal á nosa biblioteca.

Piringallo e máis eu, coa colaboración dos nenos de 3 anos e os de 6º de primaria, estivemos decorándoa para que disfrutedes dunha lectura moi navideña estes días.

                

Aquí tedes unhas imaxes por se aínda non a visitastes e queredes facelo.

A Declaración Universal dos Dereitos Humanos celebra o    seu 70º aniversario

O 10 de decembro é o DÍA DOS DEREITOS HUMANOS, coincidindo coa data na que a Asemblea Xeral adoptou a Declaración Universal dos Dereitos Humanos en 1948. Este ano, marca o 70 aniversario da Declaración, un documento histórico, que proclamou os dereitos de todos os seres humanos, sen importar a súa raza, cor, relixión, sexo, idioma, opinións políticas… ni ningunha outra condición.

E sabedes que? É o documento máis traducido do mundo, dispoñible en máis de 500 idiomas.

DÍA INTERNACIONAL CONTRA A VIOLENCIA DE XÉNERO  
                                                   

O vindeiro 25 de novembro, como todos os anos dende 1981, celébrase o Día Internacional contra a Violencia de Xénero, unha xornada para reflexionar sobre a importancia de educar na igualdade de xéneros.

                       

Por iso PIRINGALLO e máis ELBCA queren recordárvolo e que o teñades presente sempre.

Ademais, para que disfrutedes un pouco tamén vos deixan unha guía de libros adicados a este tema e un video conto de Superlola, a nena que ten certos superpoderes.

Oxalá sexan do voso agrado!!!!!

                                         

                

DIA UNIVERSAL DO NENO

         Nacións Unidas celebra o Día Universal do Neno o 20 de novembro, data na que a Asemblea Xeral da ONU aprobou a Declaración dos Dereitos do Neno en 1959 .

O obxectivo do Día Universal do Neno é recordar  á cidadanía que os nenos son o colectivo máis vulnerable e por tanto que máis sofre as crises e os problemas do mundo. 

                         

Este día mundial lembra que todos os nenos teñen dereito á saúde, a educación e a protección, independentemente do lugar do mundo no que nacese.

Velaí algún dos dereitos máis importantes:

·        Dereito á vida.

·        Dereito ao xogo.

·        Dereito a ter unha familia.

·        Dereito a ter un nome.

·        Dereito á saúde.

·        Dereito á alimentación.

·        Dereito a vivir en harmonía.

·        Dereito á educación.

Ola!!!

En decembro de 1996 a Asemblea Xeral das Nacións Unidas invita a comunidade internacional a que o 16 de novembro se celebre o Día Internacional da Tolerancia con actividades dirixidas tanto a institucións educativas como ao público en xeral.

"A tolerancia consiste no respecto, a aceptación e o aprecio da rica diversidade das culturas do noso mundo, das nosas formas de expresión e maneiras de ser humanos".

Mensaxe da Sra. Audrey Azoulay, Directora Xeral da UNESCO

Por iso, este venres celébramos o Día Internacional da Tolerancia e aproveito  para recordarvos que sexades máis respectuosos cos vosos compañeiros e compañeiras, familiares, amigos e amigas...; que saibades valoralos e valoralas;  e que respectedes as súas ideas aínda que non esteades de acordo con elas…