Outono e Samaín

OUTONO E SAMAÍN

Coa chegada do outono, a nosa biblioteca encheuse de cores, historias e misterio. No recuncho do mes podemos atopar unha selección de libros relacionados co outono e co Samaín, cheos de aventuras, personaxes fantásticos e lecturas perfectas para esta época do ano.

Ademais, os corredores e diferentes espazos do colexio están decorados cos murais elaborados para celebrar o Samaín, que enchen o centro de creatividade, imaxinación e un chisco de misterio.

Invitámosvos a descubrir estas lecturas, gozar das decoracións e deixarvos levar pola maxia dos libros e do outono.

Ler tamén pode ser unha aventura… arrepiante! 

                                                      

Hoxe, 30 de outubro celebramos de novo o Samaín cunha terrorífica sesión de contacontos. O alumnado de 5º e 6º de Educación Primaria ofrecéronse voluntariamente para percorrer as diferentes aulas do centro e compartir co resto dos compañeiros e compañeiras historias de medo que eles mesmos crearon.

Unha xornada chea de misterio, imaxinación e moitas emocións para gozar do Samaín dun xeito moi especial!

             A NOSA BIBLIOTECA, O MELLOR AGASALLO

A nosa biblioteca vaise enchendo pouco a pouco de cor, ilusión e novas historias.

Para dar a benvida ao novo curso, preparamos este mural co lema «É o mellor agasallo», porque un libro pode ser moitas cousas: unha aventura, un soño, unha viaxe, unha aprendizaxe ou simplemente un momento para gozar.

Descubrir, ler, soñar, imaxinar e aprender son algunhas das cousas marabillosas que nos ofrece a nosa biblioteca.

Agardamos que este pequeno recuncho anime a toda a comunidade educativa a achegarse aos libros e a gozar deles. 

Porque ler sempre é un agasallo.  

 SEMANA DO LIBRO 

O Día do Libro é unha celebración internacional que ten lugar o 23 de abril de cada ano. Esta data foi elixida para conmemorar o falecemento de dous grandes escritores da literatura mundial como foron Miguel de Cervantes e William Shakespeare que morreron o 23 de abril de 1616.

A festa ten como obxectivo promover a lectura mediante a difusión do coñecemento e amor polos libros.

Este ano, celebrámolo durante toda a semana coa visita dos alumnos á biblioteca. Alí, voluntarios de 6ºEP explicáronlles as normas e invitáronos a disfrutar dela. 

Anteriormente fixeran un marcador para empregar cada vez que se acheguen a ler algún libro.

 8 DE MARZO: DÍA DA MULLER TRABALLADORA

O día internacional da Muller, conmemorado cada 8 de marzo é recoñecido pola ONU como unha xornada para reivindicar a igualdade e facer balance sobre a situación das mulleres na sociedade.

Este ano baixo o lema "Dereitos. Xustiza. Acción. Para TODAS as mulleres e nenas" intenta transmitir a necesidade de tirar abaixo todas esas barreiras que obstaculizan a igualdade na xustiza.

 

DÍA DE 

 ROSALÍA DE CASTRO

O 23 de febreiro celébrase o Día de Rosalía de Castro. Este foi elexido por seren a data do seu nacemento alá polo ano 1837.

Como o ano pasado na planta baixa do edificio principal temos os traballos realizados polos alumnos para conmemorar o día. 

Ademais, a través destes enlaces podedes facer unha viaxe para coñecer a Rosalía de Castro e pasalo ben.

ROSALÍA DE CASTRO	BIOGRAFÍA
QUE SABES DE ROSALÍA DE CASTRO?	PICA AQUÍ
UNIDADE DIDÁCTICA	EDUCACIÓN INFANTIL
UNIDADE DIDÁCTICA	1º E 2º DE E.P.
UNIDADE DIDÁCTICA	3º E 4º DE E.P.
UNIDADE DIDÁCTICA	5º E 6º E.P.
ACTIVIDADES INTERACTIVAS	PICA AQUÍ

 

DÍA ESCOLAR DA PAZ E NON VIOLENCIA

Coma todos os anos, o 30 de xaneiro celebramos o Día Escolar da Non Violencia e da Paz. A data elixíuse debido a que foi cando mataron a Mahatma Gandhi , principal figura da resistencia pacífica no mundo. 

Como di o mural deste ano, necesitamos bos elementos coma a paciencia,o respecto, a empatía, a escoita, os coidados, ... para alcanzar a PAZ.

 

Nadal na Biblioteca

         Outro ano máis chega o NADAL á nosa biblioteca.

Este ano, de novo, os nen@s de infantil e primeiros cursos de primaria puideron deixar as súas cartas aos Reis Magos.

E dende aquí queremos desexarvos unhas divertidas lecturas.                                                    

           

BOAS FESTAS!!!