8 MARZO, DÍA INTERNACIONAL DA MULLER

 O tema deste 2023 no Día Internacional da Muller é “Por un mundo dixital inclusivo: Innovación e tecnoloxía para a igualdade de xénero” porque a innovación, o cambio tecnolóxico e a educación na era dixital é fundamental para alcanzar esa igualdade e o empoderamento de todas as mulleres e nenas.  

Desde a biblioteca queremos conmemorar este día co noso recuncho adicado a todas as mulleres... 

 ENTROIDO 2023

Ola amiguiños, 

voltamos de novo ás grandes celebracións polo entroido. 

Despois de animar toda a semana coas consignas, o venres celebramos o GRAN DESFILE DE ENTROIDO 2023  no Luis Pimentel. Espero que vos divirtades!!!!

                          

WHAT MONSTER?

O pasado 6 de febreiro os alumnos de 5º e 6º de EP asistiron ao auditorio Gustavo Freire para a representación da obra de teatro en inglés WHAT MONSTER? .

Trátase dunha obra na que os rapaces e rapazas poden ser actores por un día practicando o inglés. 

Aquí tedes algúns momentos da actuación.

 

DÍA ESCOLAR DA PAZ E NON VIOLENCIA

Un ano máis, o 30 de xaneiro celebramos o Día Escolar da Non Violencia e da Paz que como sabedes é un día internacional no que se conmemora o aniversario da morte de Mahatma Gandhi.

 Neste día  todos os colexios convértense en instrumentos de paz e entendemento entre persoas de distinta formación, raza, cultura, relixión. 

Ademais, aproveitando a conmemoración do Día Internacional da Educación, quixemos que os nosos alumnos foran conscientes das dificultades que moitos outros nenos teñen para poder acudir á escola. 

Deste xeito, elaboraron un grande puzzle no que plasmaron as súas percepcións e o seu sentir con respecto a estas dúas temáticas.