Nadal na Biblioteca

         

 Xa chegou o NADAL á nosa biblioteca.

                

E a todo o cole!!!

Este ano, de novo, todos os nen@s do colexio poden deixar as súas cartas aos Reis Magos nas caixas que se atopan ao pé da nosa cheminea.

O día Mundial da Infancia, que se celebra todos os ano o 20 de novembro, é dedicado a tod@s os nen@s do mundo.

Este día recorda que todos os nenos teñen dereito á saúde, á educación e á protección, independentemente do lugar do mundo onde teña nacido.

Adicar este día tamén serve para dar a coñecer as necesidades dos máis cativos e recoñecer o labor das persoas que cada día traballan para que os nen@s teñan un futuro mellor.

É un bo momento para  colaborar cos máis vulnerables, para que os seus dereitos sexan recoñecidos e garantir o seu benestar.

 

 SAMaÍN/ HALLOWEEN

O pasado 30 de outubro celebramos o Samaín no colexio cunha sesión de contacontos. Alumnos de 4º, 5º e 6º de E.P. presentaronse voluntarios para percorrer as diferentes aulas narrando historias de medo e de non tanto medo. 

                       

 VISITA BOMBEIROS

O pasado 8 de outubro tivemos na biblioteca unha visita moi interesante: os  bombeiros de Lugo

Ademais de mostrarnos as súas instalacións e os traxes de traballo,

explicaron que facer en caso de incendio.

Se queredes saber como actuar cando esteades nesa situación, aquí vos deixo un video moi útil e divertido.

 

Concurso Elbca vai de viaxe

Rematamos o curso e a nosa mascota tamén finaliza as súas viaxes.

Os gañadores de concurso foron:

-Iago Pardo Arredondas (5 anos B)

-África López Fernández (2ºC)

- Wafaa ElGhani ElGhani (6ºC)

- Uxía Regueiro Pardo (6ºC)

-Adrián Ribeiro Reboredo (6ºC)

- Noa Varela Piñeiro (6ºC)

Noraboa a tod@s!!!!!

 

sexta viaxe

 Ola!! 

Despois de tanto viaxar polo mundo, xa estou en España. 

Como é tempo de praia, atópome no destino turístico por excelencia para disfrutar de mar e sol.

Este lugar é moi coñecido polos vosos avós porque estou seguro que máis de un xa estivo aquí. 

Chámanlle a Nova Iork do Mediterráneo porque é a cidade de España con máis rañaceos.

Ademais, dende 2022 celébrase o certame musical onde se escolle a canción que nos representa no Festival de Eurovisión.

Xa sabedes a que cidade me refiro?

 

quinta viaxe

Ola de novo!!!!! Como podedes imaxinar sigo a viaxar. 

No meu último destino, Detroit, detívenme un pouco máis pois os pais de Eli foron tan amables comigo que non tiña ganas de marchar. 

Despois diso voei cara Asia, no outro extremo do mundo. Estou nun lugar onde o idioma oficial é o árabe, aínda que nas cidades máis turísticas tamén falan o inglés( menos mal que non se me dá mal, se non, a ver quen me entendía!!!).

Logo de visitar unha das zonas máis famosas alcumada a "Cidade rosa" e considerada unha das Sete Marabillas do mundo moderno, estou na súa capital pasando uns días.

Sabedes en que país me atopo?

 SEMANA DO LIBRO

Ao longo da semana do 22 ao 26 de abril tivemos o pracer de ter no colexio uns contacontos moi especiais:  papás e mamás dos nosos alumnos quixeron visitar e entreternos con marabillosas e divertidas historias.

                       

Grazas a todos !!!

 

DÍA DO LIBRO

O Día do Libro é unha celebración internacional que ten lugar o 23 de abril de cada ano. Esta data foi elixida para conmemorar o falecemento de dous grandes escritores da literatura mundial como foron Miguel de Cervantes e William Shakespeare que morreron o 23 de abril de 1616.

A festa ten como obxectivo promover a lectura mediante a difusión do coñecemento e amor polos libros.

Este ano, como o pasado, celebraremos este acontecemento durante toda a semana cunhas xornadas de contacontos. País/nais voluntarios/as visitarán a biblioteca para narrarnos algunas das súas historias favoritas.

E, de novo, volveremos a contar coa bibliopatio.

                                                 

 

cuarta viaxe

Ola de novo!!!

Supoño que adivinastes onde estiven estas dúas semanas pasadas. 

Agora ando polo norte de América visitando o lugar onde vive a nosa auxiliar Elizabeth. Ela, cando chegou ao colexio, contoume que esta cidade é considerada a capital mundial do automóbil pois as tres empresas máis importantes do país están alí: Ford, Chrysler e General Motors.

Tamén é coñecida polo son Motown, unha compañía discográfica que xogou un papel importante na música soul; de feito cantantes tan famosos coma Diana Ross e Stevie Wonder naceron alí.

A min o que me ten abraiado son os rañaceos que hai!!!! Vou subir a un e espero non marearme 😨😨

Ata pronto!! 👋👋👋

 

TERCEIRA VIAXE

    Ola!!

Atópome xa no meu novo destino e síntome un pouco conquistador coma Cristovo Colón pois aquí desembarcou no ano 1492. De feito, acabo de enterarme que foi o primeiro asentamento europeo permanente en América.

Sen embargo, actualmente é coñecido por ser o lugar máis visitado da zona: as súas praias, a temperatura e os hoteis dánlle a fama.

Precisamente eu estou parando no Hard Rock Hotel e podo dicir que é impresionante!!!!!

De que lugar se trata??

 

DÍA INTERNACIONAL DA MULLER (8 DE MARZO)

Este ano para celebrar o Día Internacional da Muller o centro decidiu poñer en marcha un concurso de carteis.

Aquí tedes os gañadores

Ademais, desde a biblioteca, queremos comemorala como sempre co noso recuncho adicado a todas as mulleres.

 

  SEGUNDA VIAXE

Ola, amiguiños!!!   

Sinto non ter aparecido antes pero despois de voar case que 19 horas e atravesar o océano Atlántico tiven que descansar.

Agora xa estou disfrutando deste novo e grande país 

(é o quinto máis grande do mundo!!!). 

Atópome nunha marabillosa cidade ao noroeste, unha das principais rexións comerciales, turísticas e de tecnoloxia do país. 

O meu amigo Canarinho contoume que foi a capital máis antigua fundada polos portugueses no século XVI e, ademáis de centros comerciais, ten moitos lugares históricos e museos.

Sen embargo, a min o que máis me está a gustar é a enorme praia que rodea a cidade.

 Adiviñades o seu nome???

DÍA DE 

 ROSALÍA DE CASTRO

O 23 de febreiro celébrase o Día de Rosalía de Castro. Este foi elexido por seren a data do seu nacemento alá polo ano 1837.

No colexio tamén quixemos participar do acontecemento  cos traballos expostos na planta baixa do edificio principal.

 PRIMEIRA VIAXE

Ola,rapaces!!!                                                   

Acabo de chegar a este fantástico pobo para disfrutar do Entroido coa miña colega Papacontos. 

Aquí estas festas son moi importantes e duran un MES!!! De feito é o Entroido máis longo de España. 

As Pantallas son as estrelas da celebración e encarganse de vixiar que ninguén vaia polas rúas sen disfraz. Terei que mercar un!!!
O día máis importante é o Martes de Entroido co desfile de carrozas.
Sabedes onde estou??

 ELBCA VAI DE VIAXE

Ola amiguiños!!!                          

Despois de moitos anos de acompañarvos na biblioteca e de coñecer sitios marabillosos a través dos libros que me rodean, decidín viaxar polo mundo e visitar moitos deses lugares.

Quero que tamén vós participedes da miña aventura, aínda que sexa desde o colexio.

Por iso, vouvos propoñer un xogo:

Neste blog deixareivos pistas de cada unha das viaxes que faga para que adiviñedes onde me atopo. Poderedes facelo??? 

 DÍA ESCOLAR DA PAZ E NON VIOLENCIA

Cada 30 de xaneiro lembramos a importancia de vivir nun mundo en paz; é un dereito da humanidade. Por iso dende a nosa biblioteca invitámosvos a celebrala todos os días.

Ao longo da historia creáronse diferentes símbolos para representar a paz: unha bandeira branca, a pomba,... pero para que todo isto sexa unha realidade temos que traballar cada día en facela posible.

Para lograr a paz temos que aprender a evitar a violencia e comprometernos a resolver de forma pacífica os conflictos do día a día.

 

La educación es un derecho humano, un bien público y una responsabilidad colectiva.

Por eso, en el año 2018 la Asamblea General de las Naciones Unidas proclamó el 24 de enero Día Internacional de la Educación con el fin de celebrar el papel que la educación desempeña en favor de la paz y del desarrollo.