CARLOS CASARES
Ola a todos e
todas!!!!
Xa están na biblioteca algúns dos seus libros, vide pronto a lelos.
ROSALÍATE O 24 DE FEBREIRO
Rosalía de Castro naceu o 24 de febreiro de 1837 e un
ano máis se elixiu este día para lembrala.
Atopei estas ligazóns sobre distintos momentos da súa vida e dalgúns dos seus libros. Que gocedes coa lectura!!!
Rosalíate é o lema da AELGA para a conmemoración deste ano
30 de xaneiro, Día Escolar da Non Violencia e da Paz
mércores, 25 de xaneiro de 2017
Hoxe fun dar un paseo polo cole e vin a todo o alumnado preparando o día da Paz que, como
sabedes, celébrase o 30 de xaneiro para conmemorar a morte de Ghandi.
Nos seus traballos reflicten a importancia da tolerancia, a solidariedade, o respecto aos Dereitos Humanos, a Non Violencia e a Paz.
CONTOS COEDUCATIVOS NON SEXISTAS
martes, 6 de decembro de 2016
Érase dúas veces reescribe contos clásicos
como A Cincenta, Brancaneves e Carapuchina e crean un novo imaxinario lonxe de
mandatos de xénero e roles sexistas.
Por exemplo, Cincenta independízase e vaise a
vivir soa e rexeita os zapatos de tacón.
Brancaneves comparte piso con sete mozos e traballa nunha mina e Carapuchina ri
da broma que lle gastan a súa avoa e o lobo.
Érase dúas veces é unha oportunidade para os contos de
sempre. Sen sexismo, sen violencia nin desigualdade. Máxicos, divertidos e coeducativos..
Se os queredes ler xa están dispoñibles na biblioteca.
NOVO LECTOR NA BIBLIOTECA
Hoxe ao chegar á Biblioteca atopeime cun boneco de neve
moi riseiro que levaba un conto nunha man e un xornal na outra. Cando lle
preguntei que facía alí respondeume:
- Que vou facer, LER.
Veña, vide á
biblioteca a ler con el.
Subscribirse a:
Publicacións (Atom)
